--------------------------------------------------------------------------------
على نور القمر ساهر وشعري حاضرٍ ماغاب
اجيب البيت من فن وهاجوسي قمة الخبـره
اهندس في الحروف الابجديه واهدي الاحباب
مشاعر شاعرٍ في الوقت دايم يحكمه صبـره
ليا منه كتب حرفـه يحيـر باقـي الكتـاب
وإذا منه رفع صوته ماتسمع للعـرب نبـره
وإذا منه ذكر محبوبته غطت على الاصحاب
هنوفٍ شبرها ياهل الغزل قابض على شبره
هنوفٍ جيتها بخلاص مع حب ووفاء وعجاب
صغير حجمها لكـن وسـط العيـن ياكبـره
لها كل الغلا في وسط قلبي والصدر ينسـاب
وإذا انا جيتها مكسور الالقي للكسـر جبـره
انا اغليها واقدرها وافضلها علـى الاقـراب
بعد جتني وحبتني دفنت الحزن فـي قبـره
لها مني تحيات وموده مـع عبيـر اطيـاب
ولها قلبٍ ترك حب البنـات لحبهـا عبـره
__________________
موضوع: على نور القمر ساهر وشعري حاضر ماغاب 
2008-05-14, 20:48
